Il-grupp jiltaqa’ l-ajruport fit-3pm u b’titjira diretta mal-KM Malta Airlines, fil-5.30pm nitilqu għal Lourdes. Fit-7.55pm naslu Lourdes u nirkbu l-coach li teħodna il-Lukanda Christina fejn ikollna s-sistemazzjoni tal-kmamar u nistrieħu għal-lejl.

Filgħodu wara l-kolazzjon, ikollna quddiesa u wara nagħmlu l-ewwel żjara fil-Grotta u t-Tliet Bażiliki. Nibdew il-mawra tagħna bi żjara fil-Grotta ta’ Massabielle, fejn il-Madonna dehret lil Santa Bernadette Soubirous. Inkomplu bil-programm billi naraw u fejn ikun possibbli nżuru diversi postijiet ta’ nteress konnessi ma’ Santa Bernadette, fosthom il-Mitħna Boly (fejn twieldet u għexet sakemm kellha 10 snin), il-Cachot (kamra f’ħabs abbandunat fejn għexet flimkien mal-familja matul id-dehriet) u l-Knisja Parrokkjali li hija ddedikata lill-Qalb Imqaddsa ta’ Ġesu. Pranzu u ċena (extra) fil-lukanda u wara fid-9.00pm nieħdu sehem, bhala grupp, fil-Purcissjoni Aux Flambeaux li tibda mill-Grotta u tintemm fil-pjazza ta’ quddiem il-Bażilika tar-Rużarju. F’din il-purċissjoni l-pellegrini jimxu wara l-istatwa tal-Madonna b’xemgħa mixgħula f’idejhom u jingħad ir-rużarju.

Wara l-kolazzjon niċċelebraw l-Ewkaristija f’waħda mid-diversi knejjes/ kappelli li jinsabu viċin il-Grotta. Ma’ tmiem il-Quddiesa, il-grupp jieħu ritratt ta’ tifkira quddiem il-Bażiliki. Inkomplu bil-programm billi nagħmlu l-mixja tal-Via Sagra. Pranzu (extra) u wara optional excursion għal Gavarnie, eskursjoni verament sabiħa li matulha naraw ħafna veduti meraviljużi. Gavarnie huwa raħal qalb il-muntanji, 1357 metru ’l fuq mill-baħar. Nagħmlu waqfa fuq Pont du Napoleon fejn ingawdu veduta mill-aqwa. Hekk kif naslu Gavarnie nistgħu nagħmlu mixja qalb xenarju mill-isbaħ jew min irid jista’ anke jieħu rikba fuq xi żiemel. Ċena fil-lukanda (extra).

Kolazzjon u wara eskursjoni optional ta’ ġurnata għal Col d’Ibardin u St Jean de Luz. Minn Col d’Ibaldin naraw veduti mill-isbaħ u anke nkunu nistgħu nagħmlu xi xiri. Wara mmorru St Jean de Luz, belt kosmopolitana u medjevali b’influwenza Spanjola. Inżuru ċ-ċentru storiku u l-bajja kbira tal-post. Ikollna ħin liberu li matulu nkunu nistgħu nkomplu ngawdu ċ-ċentru tal-belt, fejn insibu l-aqwa ristoranti li jservu ikel bnin tal-baħar, u x-xtajta meraviljuża tal-post. Ċena fil-lukanda (extra).

Kolazzjon u wara fid-9.30am nieħdu sehem fil-Quddiesa Internazzjonali li ssir fil-Bażilika l-Kbira ta’ taħt l-art iddedikata lil San Piju X. Esperjenza unika u xeni mpressjonanti ta’ devozzjoni. Wara l-pranzu (extra) ikollna optional excursion għal Pont d’Espagne li jifforma parti mill-Park Nazzjonali tal-Pyrenees. Eskursjoni fuq il-muntanji fejn nitpaxxew b’xenarju mill-isbaħ u naraw ħafna kaskati meraviljużi bl-ilma nieżel b’veloċità kbira. Dan il-post huwa popolari ħafna ma’ dawk li jħobbu jmorru mountain climbing. Ċena fil-lukanda (extra).

Kmieni wara l-kolazzjon naqbdu t-triq lejn Lloret de Mar - Costa Brava. Matul il-vjaġġ tagħna nagħmlu waqfa f’Carcassonne, waħda mill-iktar bliet storici u spettakolari fi Franza.Naslu fil-Lukanda Acapulco jew simili, filgħaxija. Sistemazzjoni tal-kmamar u wara ċ-ċena fil-lukanda (extra).

Malli nlestu l-kolazzjon, eskursjoni optional ta’ jum li teħodna fil-kapitali ta’ dan ir-reġjun, Barċelona. Inżuru fost oħrajn Catalunya Square, Ramblas, Sagrada Famiglia u Mont Juic minfejn wieħed jista’ jgawdi veduta panoramika ta’ Barcelona. Wara nofsinhar ħin liberu ghal personal sightseeing. Nissuġġerixxu żżuru l-famuż Aquarium (dħul extra) li qiegħed viċin il-Monument ta’ Cristoforo Colombo. Ċena fil-Lukanda (extra).

Wara l-kolazzjon ikollna eskursjoni optional għal Montserrat, li qiegħed f’għoli ta’ 1236 metru ‘il fuq mill-wied u hemmhekk inżuru l-Bażilika majestuża tal-Benedittini li hija ddedikata lil “La Moreneta” (Il-Verġni s-Sewda) Padruna tal-Katalonja. Xenarju spettakolari kemm aħna u telgħin kif ukoll meta nkunu hemm fuq. Wara nofsinhar nirritornaw Lloret de Mar u ikollna ħin liberu li matulu, flimkien mat-tour leader, inkunu nistgħu niskopru aktar dwar dan il-post tant sabiħ. Nirritornaw fil-lukanda għaċ-ċena (extra).

Wara l-kolazzjon, ikollna eskursjoni optional li tehodna biex inzuru Tossa de Mar, belt magħrufa għall-bajjiet sbieħ tagħha, it-torrijiet u t-toroq ħelwin tal-Belt il-qadima storika. Wara nofsinhar inżuru l-kumpless tax-Xiri ta’ Mataro, fejn insibu ‘l fuq minn 80 ħanut u ristorant. Nirritornaw fil-lukanda għaċ-ċena (extra).

Kolazzjon, check out mill-kmamar u hin liberu sakemm nitilqu mill-lukanda għall-ajruport ta’ Barċelona ghat-titjira mal-Ryanair li titlaq fil-4.30pm u naslu Malta fis-6.45pm.